WELKOM BY
Tygerberg Sakekamer
Ons streef daarna om die ekonomiese en besigheidsbelange van ons lede te bevorder.
Slider

Die Tygerberg Sakekamer

Die Tygerberg Sakekamer is ‘n inklusiewe Afrikaanse sakekamer wat bestaan uit meer as ‘n 40 individuele sakekamers in die Wes-Kaap en wat meer as 1,000 besighede verteenwoordig.

Ons hoofdoel

Die oogmerk van die Tygerberg Sakekamer is om die ekonomiese en besigheidsbelange van ons lede in die groter Tygerberg-area te bevorder.

Ons streef daarna om volhoubare voorspoed vir ons lede, belanghebbendes en gemeenskappe in die area te skep deur die Tygerberg-area te vestig as die “gekose besigheidsbestemming in die noordelike voorstede”.

Dit kan egter slegs gebeur wanneer besighede in ons area binne ‘n vryemarkstelsel floreer en werksgeleenthede deurlopend geskep kan word.

Ons Span

Sunel Beeselaar

Voorsitter

Sunel Beeselaar is ʼn praktiserende prokureur en eienaar van SP Beeselaar Prokureurs. Sy spesialiseer in familiereg, aktes en alternatiewe geskilbeslegting. Sy dien tans ook op die Bestuur van FAMAC (Family Mediators of the Cape) as Voorsitter en is Onder- Voorsitter van Alta du Toit Nasorg se Beheerraad.

Elroy Jonkers

Ondervoorsitter

Elroy is ‘n Verkoopsbestuurder by Nedbank wat kyk na Kleinhandel, Kleinsake- en Besigheidsbankdienste in die Noordelike Voorstede. Hy is reeds 16 jaar in die Finansiële Industrie en beskik oor verskillende kwalifikasies in Bankwese.

Debbie Taljaard

Tesourier

Debbie Taljaard het Keeam Consult in 2016 gestig na 25 jaar wat sy werksaam was in die finansiële bedryf in die korporatiewe industrie. Debbie, haar kollega Nicola Saayman en personeel spesialiseer in rekeningkunde, belasting en sekretariële dienste en advies vir alle besighede klein tot groot.

Sy dien tans ook op die Bestuur van OSDE (Olympians Social Development & Education) as Finansiële Direkteur.

Phillip Van Zijl

Addisionele Lid

Phillip is die eienaar van Bolt Risk Management in Brackenfell. Hy is ook nou betrokke by die Brackenfell Business Improvement District (BBID) inisiatief.

Zelna Hadlow

Addisionele Lid

Zelna is die Verhoudings Bestuurder vir Capitec Bank vir die Wes-Kaap. Sy is reeds 24 jaar in die Finansiële Industrie en het haar kwalifikasie in Bankwese. Zelna dien ook op die Beheerliggaam van Hoërskool Stellenberg.

Nick van Rooyen

Addisionele Lid

Nick van Rooyen is reeds 25 jaar in die koelvervoer-bedryf waarvan 20 jaar as Operasionele Direkteur by Corridor Africa Network (Pty)Ltd. Die maatskappy spesialiseer in alle vorme van koelvervoer, nasionaal sowel as internasionaal.

Verder is hy ook een van 3 direkteure by TEAHMO Social Support Service wat sedert 2010 as geregistreerde NPC maatskaplike ondersteuning en netwerk diens lewer in die Noordelike voorstede..

Daniel Rossouw

Addisionele Lid

Daniel Rossouw het ʼn Honneurs graad in 2003 verwerf en werk vanaf 2004 as tentmaker met ʼn liefde beide vir mense en besigheid. In 2007 het hy as Projek beampte by die Bybelgenootskap van Suid Afrika en 2011 word hy aangestel as die Besturende Direkteur van Shiloh Synergy NPC. Hy is ook tans raadslid van Hope Africa Collective, ʼn nie-winsgewende organisasie wat onder Shiloh se vaandel.

Hy het Cloud IT in 2018 gestig. Cloud IT het met 7 kliente begin en het nou meer as 80 kliente regoor Kaapstad. Cloud IT help kliente om ICT strategieë te ontwikkel. Hulle verskaf tegniese ondersteunings dienste en bestuur harde en sagteware.

Abrie de Klerk

Addisionele Lid

Abrie de Klerk, is die eienaar van Supa Quick in Brackenfell, en bedryf die besigheid al van 2002 af. Hy is ook op die direksie van die BBID (Brackenfell Business Improvement District).

Lelanie Carrick

Gekoöpteerde Lid. Sosiale Media

Lelanie Carrick het LC Design begin twee jaar nadat sy haar BA graad in Visuele Kommunikasie en Ontwerp by Prestige Academy ontvang het. Sy het in die Ontwerp afdeling van ʼn maatskappy gewerk terwyl sy studeer het. Haar visie vir haar eie besigheid het toe reeds begin groei totdat sy die sprong geneem het om LC Design ’n realiteit in 2017 te maak.

LC Design help besighede om te groei deur die gebruik van Grafiese Ontwerp, Fotografie, Sosiale Media bestuur en Nuusbriewe. Sy verskaf tans dienste aan meer as 13 maatskappy in verskillende industrieë en help besighede om hulle handelsmerke op te kikker op so ’n manier dat hulle meer professioneel en uniek vertoon!

Letitia Niemand

Gekoöpteerde Lid

Skakeling met die Stad Kaapstad

Letitia Niemand het ʼn NQF5 kwalifikasie as ook 29 jaar ondervinding in die Eiendomsbedryf, waarvan sy vir 15 jaar haar eie besigheid, Busy Bee Eiendomme gehad het. Sy werk tans vir die Stad Kaapstad as Raadsheer Marian Nieuwoudt se Wyksassistent. Sy is die tussenganger tussen die Stad en wykslede oor daaglikse probleme en behartig ook ʼn weeklikse program vir bejaardes.

Diens Areas

Bellville

Plattekloof

Brackenfell

Kuilsrivier

Goodwood

Parow

Volg ons op Facebook

Tygerberg Sakekamer Nuusbrief